व्यापारमा लागि यी हुन् उत्कृष्ट १० देश

काठमाडौं- इकोनोमिस्ट इन्टेलिजेन्स युनिट (ईआईयू) ले व्यापार गर्नका लागि संसारका उत्कृष्ट देशहरुको सूची सार्वजनिक गरेको छ। बिजनेस समाचारका लागि विश्वमै चर्चित द इकोनोमिस्ट ग्रुपको रिसर्च विङले यो सूची तयार गरेको हो।

यो सूचीमा छिमेकी देश भारत ५१ औं नम्बरमा छ। नेपाल भने यो सूचीमा अटाएको छैन। ईआईयूको यो विश्वव्यापी सूचीले ती देशहरू समावेश गर्दछ जसले ठूला लगानीकर्ताहरूलाई उनीहरूको क्षेत्रमा लगानी गर्ने निर्णय गर्ने उत्तम अवसरहरू प्रदान गर्दछ। यसमा बृहत् आर्थिक स्थिरता, राजनीतिक अवस्था, बजार अवसर, व्यापार प्रतिबन्ध र कर व्यवस्था समावेश छ। 'हामी अर्को पाँच वर्षमा के हुन सक्छ भनेर मूल्यांकन गर्छौं,' ल्याटिन अमेरिकाका लागि ईआईयूकाका वरिष्ठ अर्थशास्त्री निकोलस सालडिया भन्छन्।

यस अध्ययनको लागि कुल ९१ सूचकहरू निर्धारण गरिएको थियो जसलाई ११ श्रेणीमा विभाजन गरिएको थियो। यसैको आधारमा अनुसन्धानकर्ताहरूले ८२ देशको सूची बनाएका छन्। 'हामीले राजनीतिक अस्थिरताको जोखिम जस्ता सूचकहरू पनि समावेश गर्यौं किनभने यसले देशको व्यापारिक वातावरणलाई असर गर्छ,' निकोलस भन्छन्।

सूचीअनुसार सिंगापुर, डेनमार्क र अमेरिका सूचीमा पहिलो, दोस्रो र तेस्रो स्थानमा छन्। यी देशहरूले आगामी वर्षहरूमा सबैभन्दा बढी लगानी आकर्षित गर्न सक्छन्। सूचीमा उनीहरुपछि जर्मनी र स्विट्जरल्याण्डको नाम छ । यीबाहेक यस सूचीका शीर्ष १० देशहरूमा क्यानडा, स्वीडेन, न्यूजिल्याण्ड, हङकङ र फिनल्याण्ड पर्छन्।