भारत हरियाणाको महेन्द्रगढ जिल्लामा स्कुल बस पल्टिँदा पाँच बालबालिकाको मृत्यु भएको छ भने कैयौं घाइते भएका छन्।
समाचार एजेन्सी एएनआईका अनुसार अस्पतालमा २० बालबालिका घाइते अवस्थामा लगिएको थियो। चार बच्चाको ज्यान अस्पताल पुर्याउनु् अघि नै गइसकेको थियो। एक बच्चालाई भेन्टिलेटरमा राखिएकोमा उनको पनि केहीबेरमै मृत्यु भएको थियो। १५ जना अस्पतालमा उपचाररत छन्। उनीहरुको स्वास्थ्य सुधारोन्मुख छ।
यो बस जीआरएल स्कुलको हो र उनीहरु बसमा स्कुल जाँदै थिए।