काठमाडौं- नेपाली राष्ट्रिय क्रिकेट टोलीका उपकप्तान ज्ञानेन्द्र मल्ललाई क्रिकेट सामग्री उत्पादन मकम्पनी ‘ट्वीस्टर’ले प्रायोजन गरेको छ । उपकप्तान मल्ललाई ट्वीस्टरले दुई वर्षका लागि नेपाली १६ लाख रुपैयाँ बराबरको प्रायोजन सम्झौता गरेको हो ।
सम्झौता पत्रमा ज्ञानेन्द्र स्वयं र ट्वीस्टरबाट केयुर देसाईले हस्ताक्षर गरेका थिए । ज्ञानेन्द्रले गत शनिबारबाट सुरु भएको एभरेस्ट प्रिमिएर लिग खेलको क्रममा ट्वीस्टरको ब्याट प्रयोग गर्दै आएका थिए ।
तर, कम्पनीसँग मल्ले बिहिबार सम्झौता गरेका हुन् । यसअघि भारतको यु-१९ तथा प्रथम श्रेणीका खेलाडीहरुलाई प्रायोजन गरेको ट्वीस्टरले पहिलोपटक अन्तर्राष्ट्रिय खेलाडीलाई प्रायोजन गरेको हो ।
ट्वीस्टर भारतीय क्रिकेट सामाग्री निर्माता कम्पनी अक्सर इण्डस्ट्रिजले सन् २०१४ देखी निर्माण गर्न थालेको हो ।
प्रकाशित: Dec 31, 2017| 18:23 आइतबार, पुस १६, २०७४