लुम्बिनीका ३ सांसदलाई बर्खास्त गर्न सभामुखलाई पत्र लेख्ने जसपाको निर्णय

जनता समाजवादी पार्टी (जसपा)ले आफ्नो पार्टीबाट निर्वाचित लुम्बिनी प्रदेशका तीन जना सांसदलाई कारबाही गर्न सभामुखलाई पत्र लेख्ने निर्णय गरेको छ।

नेपाल समय | बुधबार, साउन १३, २०७८

नेपाल समय

बुधबार, साउन १३, २०७८

लुम्बिनीका ३ सांसदलाई बर्खास्त गर्न सभामुखलाई पत्र लेख्ने जसपाको निर्णय

काठमाडौं- जनता समाजवादी पार्टी (जसपा)ले आफ्नो पार्टीबाट निर्वाचित लुम्बिनी प्रदेशका तीन जना सांसदलाई कारबाही गर्न सभामुखलाई पत्र लेख्ने निर्णय गरेको छ। निर्वाचन आयोगबाट जसपाको आधिकारिकता पाएको उपेन्द्र यादव पक्ष नेतृत्वको जसपाले महन्थ ठाकुर पक्षमा लागेका तीन जनालाई बर्खास्त गर्नका लागि सभामुखलाई पत्र लेख्ने निर्णय गरेको हो।

विजयबहादुर यादव, कल्पना पाण्डे लम्साल र सन्तोष पाण्डेलाई सांसदबाट बर्खास्त गर्न पत्र पठाउने निर्णय भएको जसपाका एक नेताले जानकारी दिए।

मंगलबार बसेको जसपा केन्द्रीय कार्यकारिणी समितिको बैठकले पार्टीको नीति विपरीत केपी शर्मा ओली पक्षको एमाले नेतृत्वको लुम्बिनी प्रदेश सरकारमा सहभागी भएको भन्दै कारबाही गर्ने तयारी गरेको हो।

सोमबार मात्र उपेन्द्र यादव पक्षको जसपाले निर्वाचनबाट आधिकारिकता पाएको थियो।

प्रकाशित: Jul 28, 2021| 06:50 बुधबार, साउन १३, २०७८