रात्रिक्‍लवमा भागदौड, ६ को मृत्‍यु

इटाली- इटालीमा एक रात्रिक्लवमा रमाइलो गरिरहेका युवायुवतीहरुबीच भागदौड हुँदा ६ जनाको मृत्यु भएको छ । शनिबार बिहान एक बजेको समयमा भागदौड मच्चिएको थियो । 

एकाएक समूहमा रहेका युवायुवतीबीच खैलाबैलासहित भागदौड भएको थियो । भागदौडका क्रममा पहिला लड्ने व्यक्तिहरुलार्इ हतारमा भाग्नेहरुले कुल्चिएका थिए । स्थानीय अग्‍नी नियन्‍त्रक कार्यालयले जारी गरेको विज्ञप्तीमा जनाइएअनुसार एउटा पिरो गन्धसहितको वस्तुलाई मानिसहरूको भिडबाट छर्किएको थियो । त्यसपछि क्‍लवमा नाचिरहेका युवायुवती डरले भाग्‍न थालेका थिए । 

स्थानीय सामाचारहरूमा एड्रियाटिक सामुद्रिक तटीय क्षेत्रमा रहेको एन्कोना राज्यको कोरिनाल्डो सहरमा ब्लु लानटर्न क्लबभित्र करिब एक हजार व्यक्तिले मनोरञ्जन लिइरहेका समय एक्कासि भागदौड मच्चिएको बताइएको छ।