छ करोडमा दुई वटा पक्की पुल

वीरगन्‍ज- संघीय सरकारको ६ करोड रुपैयाँ अनुदानमा पर्साको ग्रामीण क्षेत्रमा दुईवटा पक्की पुलको निर्माण कार्य सुरु भएको छ। जीरा भवानी गाउँपालिकाको वडा नं- ३ स्थित इमरिति खोला र जगरनाथपुरको मधुवा खोलामा पुल निर्माण कार्य सुरु भएको हो।

प्रिति खोलाको पुल निर्माणको लागी रञ्जनर सजन जेभी निर्माण कम्पनीले १ करोड ८१ लाख रुपैयाँमा ठेक्का पाएको छ । यो पुल २०७६ असार मसान्तमा निर्माण सम्पन्न गर्नुपर्ने सम्झौता भएको हो। 

 यसैगरी जगरनाथपुरको मधुवा खोलामा ४ करोड २३ लाख रुपैयाँको लागतमा महादेवरखिम्ती जेभीले निर्माण ठेक्का लिएको छ । यो पुल २०७७ असार मसान्तमा निर्माण कार्य पूरा गर्नुपर्ने भौतिक पूर्वाधार तथा यातायात विभागका महानिर्देशक रविन्द्रनाथ श्रेष्ठले जानकारी दिए।

पुल निर्माण भएपछि स्थानीय वासिन्दालाई वर्षातको समयमा समेत यातायातको सुविधा उपलब्ध हुनेछ।