च्याम्पियन्स लिगमा नेयमारको नयाँ रेकर्ड

काठमाडौं- ब्राजिल तथा फ्रेन्च क्लब पिएसजीका स्टार फर्वाडर नेयमारले युइएफए च्याम्पियन्स लिग फुटबलमा नयाँ रेकर्ड बनाएका छन् । उनले च्याम्पियन्स लिगमा सबैभन्दा बढि गोल गर्ने ब्राजिलियन खेलाडीको रेकर्ड बनाएका हुन् । 

यसै साता फ्रान्सको पेरिसमा इंग्लिस क्लब लिभरपुलसँग खेल्ने क्रममा १ गोल गर्दै नयाँ रेकर्ड बनाएका हुन् । २७ वर्षीय नेइमारले च्याम्पियन्स लिगमा आफ्नो गोल संख्या ३१ पुर्याएका छन् । 

यसअघि कूल ३० गोलसहित ब्राजिलका काका ब्राजिलका लागि च्याम्पियन्स लिगमा सर्वाधिक गोल गर्ने खेलाडीको सुचिमा थिए । काकाले च्याम्पियन्स लिगमा विभिन्न क्लबबाट खेल्नेक्रममा ३० गोल गरेका थिए । 

काका भने रियल मड्रिडका पूर्वखलाडी हुन् । पछि उनले अन्य क्लबबाट पनि खेले । नेइमार यसअघि बार्सिलोनामा थिए । उनले बार्सिलोना र पिएसजीबाट गरी च्याम्पियन्स लिगमा कूल ३१ गोल हानेका हुन् ।

त्यस्तै चौथो र पाँचौ नम्बरमा जार्डेल र जिओभाने इल्बेर रहेका छन् । जार्डेल र जिओभान द्वयले समान २५-२५ गोल गरेका छन् । काकापछि सर्वाधिक धेरै गोल गर्ने तेस्रो खेलाडी रिभाल्डो हुन् । रिभाल्डो बार्सिलोनाका पूर्वखेलाडी हुन् ।