रन्जनको उत्कृष्ट प्रदर्शनमा थ्री स्टार विजय

काठमाडौं- थ्री स्टार पल्सर सहिद स्मारक ‘ए’ डिभिजन लिगको शिर्षस्थानमा उक्लेको छ । शुक्रबार भएको खेलमा विभागिय टोली एपिएफलाई २-० ले पराजित गर्दै थ्री स्टार लिगको शिर्ष स्थानमा उक्लेको हो । 

थ्री स्टारको जितमा रन्जन बिष्ट नायक बने । उनले खेले नै खेलकबो दुबै गोल गरेका थिए । पहिलो हाफमा एक गोल गरेकान बिष्टले दोस्रो हाफमा पथ एक व्यक्तीगत गोल गरेका थिए । 

खेलको २५ औं मिनेटमा थ्री स्टारले रन्जनको गोल मार्फत सुरुवाती अग्रता लिएको थियो । उनले सुनील बलको पासमा उत्कृष्ट गोल गरेका थिए । एपीएफले पनि पहिलो हाफको अन्त्यतिर खेल बराबरी गर्ने अवसर पाएको थियो । 

तर, उक्त अवसर एपिएफले सदुपयोग गर्न सकेन । पहिलो हाफ १-० ले अग्रता लिएको थ्री स्टारले खेलको ६६ औं मिनेटमा थप एक गोल गर्दै अग्रता दोब्बर पारे । उक्त गोल रन्जनले पेनाल्टी क्षेत्रभित्र डिफेन्सलाई बिट गर्दै गरेका थिए । 

थ्री स्टारले यस जितसँगै शीर्षस्थानको मनाङसँग अंक बराबरी गरेको छ । थ्री स्टारले ५ खेलमा ४ जित र १ हार बेहोर्दै १२ अंक जोडेको छ । एपीएफको भने लगातार पराजित हुँदै ४ अंक मात्र जोड्न सकेको छ । एपीएफले लिगको पाँच चरणको खेल सकिँदा १ खेल मात्र जितेको छ ।