‘मिस्टर चयाम्पियन्स लिग’ रोनाल्डोका रेकर्डै रेकर्ड

एजेन्सी- पोर्चुगिज तथा युभेन्टसका सुपरस्टार क्रिस्टियानो रोनाल्डो युरोपियन च्याम्पियन्स लिग फुटबलमा नयाँ रेकर्ड बनाएका छन् । विश्वकै सर्वाधिक उत्कृष्ट खेलाडी मानिने रोनाल्डोले मंगलबार राति समूह चरणको खेलमा स्पेनिस भ्यालेन्सियालाई पराजित गर्दै नयाँ रेकर्ड बनाएका हुन् ।
 
‘मिस्टर चयाम्पियन्स लिग’ मानिने रोनाल्डोले च्याम्पियन्स लिगको इतिहासम सबैभन्दा चाँडो १०० खेल जित्ने एक्लो खेलाडी बनेका छन् । रोनाल्डोले म्यानचेटर युनाइटेड, रियल मड्रिड र युभेन्टस गरी तीन क्लबबाट १०० खेल जितेका हुन् । 

रोनाल्डो च्याम्पियन्स लिगको इतिहासमै सर्वाधिक धेरै गर्ने खेलाडी समेत हुन् । उनले आजसम्म कूल १ सय ५७ खेल खेलबाट १ सय २१ गोल गरेका छन् । रोनाल्डो च्याम्पियन्स लिगको एक सिजनमा मात्र सबैभन्दा बढी १७ गोल गर्ने खेलाडी पनि हुन् । 

आजसम्म एकै सिजन गोल गर्ने रेकर्डमा उनलाई अन्य कुनै पनि खेलाडीले भेटेका छैनन् । तथ्य हेर्दा पनि रोनाल्डो च्याम्पियन्स लिगमा निकै प्रभावशाली खेलाडी मानिन्छन् । उनले हालसम्म एक्लैले ५ पटक च्याम्पियन्स लिग जितेका छन् । 

जब कि बार्सिलोना क्लबले हालसम्म मात्रै ५ पटक यो उपाधि जितेको छ । त्यस्तै, नकआउट चरणमा सर्वाधिक धेरै गोल गर्ने खेलाडीको रेकर्ड पनि उनकै नाममा छ । ३३ वर्षीय रोनाल्डो लिगका पछिल्ला ६ सिजनका लगातारका सर्वाधिक गोलकर्ता हुन भने लगातार ३ सिजन च्याम्पियन्स लिग जित्ने खेलाडी पनि उनी मात्रै एक्लो हुन् ।