पाहुनालार्इ स्वागत, सर्वसाधारणलार्इ सास्ती

काठमाडौं- शुक्रबारदेखि काठमाडौँमा हुने एसिया प्यासफिक समिटमा सहभागी हुने विदेशी पाहुनाहरूको स्वागत गर्नेक्रममा सर्वसाधारणले सास्ती भोग्‍नु परिरहेको छ ।

विभिन्न देशका राष्ट्र प्रमुख र सरकार प्रमुख काठमाडौं आउनेक्रम जारी छ । विदेशी पाहुनाको स्वागतका लागि यातायात व्यवस्थापन गर्न ट्राफिक प्रहरीले बिहीबारदेखि सवारी साधनमा जोरबिजोर प्रणाली लागू गरेको छ।

यो व्यवस्थाले काठमाडौंका सर्वसाधारण भने सडकमा सकस भएको छ । सडकमा कम सार्वजनिक सवारी साधन चल्दा यात्रुहरू धेरैबेर गाडि पर्खन बाध्यछन् ।

काठमाडौंका मुख्यमुख्य चोकहरूमा घण्टौं कुर्दा पनि गाडि नपाएर हिँडिरहेका छन् । सञ्चालनमा रहेका टेम्पो, माइक्रोबस तथा अरू गाडिमा पनि यात्रुको चाप छ ।

साथै ट्राफिकले पाहुनाको लागि गरेको स्कटिङले पनि सडकको नियमित सञ्चालनमा बाधा पुगेको छ । जसका कारण पैदलयात्रा बाटो काट्नका लागि धेरै समय पर्खनु परेको गुनासो गर्न थालेका छन् ।

राजधानीका सडकमा दैनिक १० लाख बढी सवारी गुडछन् । बागमती अञ्चलमा ११ लाख ७० हजार सवारीसाधन दर्ता छन्। सडक भने दुई सय किलोमिटर मात्र छ।

उपत्यकामा ट्राफिकको दरबन्दी १४५० छ । ड्युटीमा खटिँदा एक प्रहरीले कम्तीमा १० हजार सवारीसाधनको अनुगमन गर्नुपर्छ।

तस्बिरमा हेर्नुहोस एसिया प्यासफिक समिटमा सहभागी हुने पाहुनाको स्वागतले सर्वसाधारणले पाएको सास्ती :