जंगली हात्तिको आक्रमणबाट दुर्इजनाको मृत्यु

वीरगन्ज -पर्साको ठोरीसँगै सीमा  जोडिएको चितवनको माडीमा चितवन राष्ट्रिय निकुञ्जको हातिको आक्रमणबाट बुधबार अपरान्ह एक वृद्धासहित दुई जनाको मृत्यु भएको छ।

 माडी  वडा नम्बर ९ कृष्णनगरमा रिउ खोला नजिकै  काँसघारीमा घाँस काटन गएकी ३० वर्षिया सुशिला भण्डारी र ६० वर्षिया कृष्णमाया पौडेलको जंगली हात्तिको आक्रमणमा मृत्यु भएको इलाका प्रहरी कार्यालय माडीका इन्चार्ज नारायण श्रेष्ठले बताए ।

 माडी नगरपालिकाका प्रमुख ठाकुर ढकालले हात्तिले मान्छे मारेपछि स्थानियबासी आतंकित भएको बताए । यसअघि २४ कातिकमा चितवनकै राप्ती नगरपालिका वडा नं. २ मा हातिको आक्रमणमा स्थानीय सागर राईको मृत्यु  भएको थियो ।

सन् २०१६/१७ मा जातिको आक्रमणमा १४ जनाको मृत्यु भएको निकुञ्जले‌ जानकारी दिएको छ।

निकुञ्जले मृतकको परिवारलाई वन्यजन्तुको आक्रमण बाट हुने धनजनो क्षतिपूर्तिवापत मृतकको परिवारलाई पाँच लाख र घाइतेलाई एक लाख रुपैयाँ उपलब्ध गराउँदै आएको छ।