बाइक दुर्घटना: एकको मृत्यु, २१ जना घाइते

सुर्खेत- सुर्खेतमा बुधबार बाइक दुर्घटना हुँदा एक जनाको मृत्यु भएको छ। सिम्ता गाउँपालिका-४ गुरु भिरमा भे८प ३४२४ नम्बरको बाइक दुर्घटना हुँदा जाजरकोट शिवालय गाउपलिका-९ नाहाडाका महेन्द्र चन्द ठकुरीको मृत्यु भएको हो। ठकुरी भिरबाट भेरी नदीमा खसेका थिए।

इलाका प्रहरी कार्यालय बाँदेपिपलका अनुसार मृतक ठकुरीलाई लिन आएका आफन्तहरु चढेको ट्रयाक्टर पनि दुर्घटना भएको छ। ठकुरीका आफन्त लिएर आएको लु १ त ९५७७ नम्बरको ट्रयाक्टर दुर्घटना हुँदा २१ जना घाइते भएका छन्।


घाइतेलाई सल्यानको सल्लीबजारमा प्राथमिक उपचारपछि मेहलकुना अस्पतालमा रिफर गरिएको बाँदेपिपल ईलाका प्रहरी इन्चार्ज श्याम शाहले जानकारी दिएका छन्। घाइतेहरुको थप विवरण भने आउन बाँकी छ। घाइते मध्ये दुई जनाको अवस्था गम्भीर रहेको प्रहरीको जनाएको छ।