रियल लगातार १५औं पटक च्याम्पियन्स लिगको नकआउट चरणमा 

एजेन्सी- यूइएफए च्याम्पियन्स लिग अन्तर्गत मंगलबार राति भएको खेलमा रियल मड्रिडले एएस रोमालाई २-० ले पराजित गरेको छ । रोमाको घरेलु मैदानमा भएको खेलमा रियल विजय भएसँगै लिगको शिर्ष स्थानमा उक्लेको छ । 

यस जितसँगै रियल लगातार १५ औं सिजन च्याम्पियन्स लिगको नकआउट चरणमा प्रवेश गर्दै नयाँ रेकर्ड बनाएको छ । सन् २००३-०४ यता लगातार नकआउट चरणमा प्रवेश गर्ने रियल एक्लो टोली हो । 

पहिलो हाफ गोल रहित भएको खेलमा युभेन्टसका लागि ग्यारेथ बेल र लुकास भाज्केजले गोल गरेका थिए । दुवै गोल दोस्रो हाफमा सम्भव भएको हो । दुबै टोलीले पहिलो हाफमा गोल गर्न नसक्दा दोस्रो हाफमा भने रियलले सुरुवातमै गोल गर्दै अग्रता लिएको थियो ।

रियलले खेलको ४७ औं मिनेटमा ग्यारेथ बेलको गोल मार्फत अग्रता लिएको थियो । बेलले डिफेन्डर फेडेरिको फाजियोको गल्तिको फाइदा उठाउँदै रियललाई सुरुवाती अग्रता दिलाए । 

त्यसपछि ५९औं मिनेटमा लुकास भाज्केजले रियलको अग्रता दोब्बर पारे । पहिलो हाफको अन्त्यतिर रोमाका मिडफिल्डर सेन्गिज उन्दरले अपत्यारिलो मिस गरेपछि रोमा अग्रता लिनबाट चुकेको थियो ।