काठमाडौं- प्रदेश ५ मा आगामी माघमा आयोजना हुने आठौं राष्ट्रिय खेलकुदका लागि जिल्ला छनोट शुक्रबारदेखि सुरु हुने भएको छ ।
देशभरीका ७७ जिल्लामा मंसिर १४ देखि २१ गतेसम्म आठौं राष्ट्रिय खेलकुदका लागि जिल्ला छनोट सञ्चालन हुने आठौं राष्ट्रिय खेलकुद तयारी सचिवालयका प्रमुख इन्द्रबहादुर कार्कीले जनाकारी दिएका छन् ।
आठौं राष्ट्रिय खेलकुदमा समावेश ३५ खेल मध्ये २० खेलको जिल्ला छनोट हुनेछ । २० खेलमा बक्सिङ, भारोत्तोलन, क्रिकेट, बास्केटबल र ह्यान्डबलको महिला जिल्ला छनोट हुने छैन ।
यी ५ खेलको सीधै प्रदेश छनोट सञ्चालन गरिने छ । जिल्ला छनोटमा ३१ हजार ८ सय ४५ खेलाडीले सहभागिताका नाम दर्ता गरएका छन् । जिल्ला छनोटका लागि २ करोड ७८ लाख ४० हजार रुपैयाँ बजेट पठाइसकेको सचिवालयले जनाएको छ ।
प्रकाशित: Dec 31, 2017| 18:23 आइतबार, पुस १६, २०७४