इन्डोनेशियामा नेपाली कराँते खेलाडीलाई सफलता

काठमाडौं- इन्डोनेशियामा सम्पन्न १५ औं एशियन प्यासिफिक सितोरियो कराते प्रतियोगितामा नेपालले २ स्वर्ण र ३ कांस्य पदक जितेको छ । नोभेम्बर २१ देखि २४ सम्म संचालन भएको प्रतियोगितामा नेपालमा समुह चौथो बन्न सफल भएको हो । 

नेपालको तर्फबाट पुरुषतर्फ ५५ किलो तौल समुहमा बिजय श्रेष्ठले स्वर्ण जित्दा र भेट्रानतर्फ ४०-५० बर्षको समुहको एकल कातातर्फ गणेश थिंगले स्वर्ण जिते । बिजयले पहिलो बाउट बाई पाएर क्वार्टर फाईनलमा ईण्डोनेशियालाई १०-२ ले, सेमिफाइनलमा फिलिपिन्सलाई ९-१ ले र फाईनलमा श्रीलंकालाई ९-१ ले हराउदै स्वर्ण पदक जितेका थिए । 

त्यस्तै गणेश थिंगले पहिलो बाउटमा भारतलाई ५-०, क्वार्टरफाईनलमा पुन ईन्डियालाई ६-२, सेमिफाइनलमा श्रीलंकालाई ३-२ र फाईनलमा ज्यलन प्यलनलाई ५-० ले पराजित गर्दै स्वर्ण पदक जितेका थिए । 

त्यसैगरी सिनियर पुरुष तर्फ एकल कातामा सेमिफाइनलमा जापान सँग पराजित हुदै पर्शुराम बास्तोलाले कांस्य पदक हात पारे । यस अघि उनले ज्यलन प्यलन ,कचष्बिलपब र चाईनिज ताईपेईलाई पराजित गर्दै सेमिफाइनल प्रवेश गरेका थिए । 

पुरुषतर्फको ८४ किलो तौल समुहमा दिगम्बर प्रसाद पन्तले सेमिफाइनलमा इण्डोनेशियासँग ५-१ ले पराजित हुदै कांस्य पदक जिते । त्यस्तै अनिश लामाले ६० किलो तौलमा नेपाललाई कास्य दिलाए । 

३० राष्ट्र सहभागी भएको उक्त प्रतियोगितामा इण्डोनेशियाले १७ स्वर्ण, १२ रजत र १५ कास्य पदक सहित पहिलो स्थान हाशिल गर्न सफल भए भने जापानले १६ स्वर्ण, ३ रजत र २ कांस्य सहित दोस्रो भए । ७ स्वर्ण, १३ रजत र ११ कांस्य सहित चाईनिज ताईपेई तेस्रो स्थान हाशिल गरे भने, २ स्वर्ण र ३ कांस्य सहित नेपाल समुह चौथो बन्न सफल भएको हो ।