नेपाल, भारत र श्रीलंकाबीच त्रिकोणात्मक टी-२० हुने

काठमाडौं- नेपाल, भारत र श्रीलंकाका तीन क्लबबीच त्रिकोणात्मक टी-२० क्रिकेट सिरिज हुने भएको छ । सिरिज काठमाडौंको टियु अन्तर्राष्ट्रिय क्रिकेट मैदानमा हुने आयोजकले एक कार्यक्रमको आयोजना गरि जानकारि दिए । 

सिरिज माघको पहिलो साता हुने जनाएको छ । माघ १ गतेबाट १० गतेसम्म दश दिन चल्ने सिरिज महाकाली स्पोर्टस सोसाइटी र नेपालय ईन्टरनेशल ईभेन्ट म्यानेजमेन्टले संयुक्त रुपमा आयोजना गर्न लागेका हुन् । 

सिरिजमा नेपालबाट नेपाल राईनोज क्रिकेट क्लब, भारतबाट सिडब्लुटी क्रिकेट क्लबल र श्रीलंकाबाट कन्दुकार क्रिकेट क्लबले प्रतिस्पर्धा गर्ने छन् । नेपालबाट नेपाल राईनोजको नेतृत्व मञ्जीत श्रेष्ठले गर्नेछन् । 

यस्तै भारतीय टिम सिडब्लुटीको नेतृत्व दिनेश कुमारले गर्ने छन् भने श्रीलंकाको कन्दुकार क्लब सानुख धनन्जयको कप्तानीमा रहने छ । प्रतियोगिताको पुरस्कार राशी भने अर्को पटक सार्वजनिक गर्ने आयोजकले जनाएको छ ।