डेम्वेलेको गोलमा बार्सिलोनाले मड्रिडसँग बराबरी खेल्यो

एजेन्सी- शनिबार राति भएको ला लिगामा बार्सिलोनाले एथ्लेटिको मड्रिडसँग बराबरी खेलको छ ।  खेलको इन्जुरी समयमा औसमाने डेम्वेलेको गोल मद्दतमा बार्सिलोना एथ्लेटिको म्याड्रिडसँग बार्सिलोनाले १-१ को बराबरी खेलको हो । 

एथ्लेटिकोको घरेलु मैदान वान्डा मेट्रोपोलिटानोमा प्रतिस्पर्धात्मक बनेको खेलको इन्जुरी समयमा डेम्वेलेले गोल गरेपछि बार्सिलोना हारबाट जोगिएको थियो । दुवै गोल दोस्रो हाफमा सम्भव भएको थियो । 

घरेलु टोली एथलेटिकोले ७७ औं मिनेटमा डिएगो कोस्टाको गोलबाट खेलमा अग्रता लिएको थियो । उनले एन्टोइन ग्रिजमनको पासलाई सहि सदुयिोग गर्दै गोलमा परिणत गरेका थिए । 

जित नजिक पुगेको एथ्लेटिको अन्तिम मिनेटमा सम्हालिन नसक्दा गोल खान पुग्यो । ९० औं मिनेटमा औसमाने डेम्वेलेले गोल गर्दै बार्सिलोनालाई हारबाट जोगाए । उनले कप्तान लियोनेल मेस्सीको पासलाई सदुपयोग गर्दै गोल गरेका थिए । 

बराबरीपछि शीर्षस्थानमा रहेको बार्सिलोनाको १३ खेलबाट २५ अंक पुगेको छ । एथ्लेटिकोको समान १३ खेलबाटै २४ अंक रहेको छ ।