तीनकुनेमा खुकुरी हानाहान, एकको मृत्यु

काठमाडौं- काठमाडौंको तीनकुनेस्थित गैरीगाउँको सुकुम्बासी टोलमा दुईवटा समूहबीच खुकुरी हानाहान भएको छ । खुकुरी हानाहान हुँदा एकको मृत्यु भएको छ । एक गम्भीर घाइते भएका छन् ।

तीनकुनेको बागमती पुलमुनि शान्तिनगरको सुकुम्बासी टोलमा बस्ने दुर्इ समूहबीच खुकुरी हानाहान हुँदा बिक्की लिम्बुको मृत्यु भएको प्रहरीले जनाएको छ। दुर्इ समूहबीच लागु पदार्थ सेवन गर्ने विषयमा विवाद भएपछि खुकुरी हानाहान भएको हो ।

दुर्इ समूहबीचको झडपमा गम्भीर घाइते भएका बिक्कीको नयाँ बानेश्वरस्थित सिभिल अस्पतालमा उपचारका क्रममा मृत्यु भएको हो । अर्का घाइते अनिल श्रेष्ठको ट्रमा सेन्टरमा उपचार भईरहेको छ ।