शान्तिवाटिकाबाट सुरु भयो महानगर सुन्दर बनाउने अभियान

काठमाडौं–काठमाडौं महानगरपालिकाका मेयर विद्यासुन्दर शाक्यले चुनावमा गरेका वाचा पूरा गराउन अभियान नै थालेका छन् । उनले धुँवाधुलो मुक्त काठमाडौं बनाउने, सडकका खाल्डाखुल्डी पुर्नेलगायत काठमाडौंलाई आकर्षक सहर बनाउने प्रतिबद्धता नगरबासीसँग गरेका थिए) । सोही प्रतिबद्धता अनुसार मेयर शाक्यले पाँचवटा ब्रुमरको प्रयोग गरी उपत्यकाको सफाइ थालेका छन् । 

शनिबार विहानको झुल्के घाँमसँगै शान्तिवाटिकाबाट सरु गरेको यो अभियानले अब निरन्तरता पाउने मेयर शाक्यले दाबी गरे । कार्यक्रमको शुरुवातगर्दै मेयर शाक्यले काठमाडौँ महानगरपालिकासँगै विभिन्न संघ–सस्थाले अलग–अलग रुपमा सरसफाई अभियान सञ्चालन गरेको बताए । उनले भने, ‘कतिपय ठाउँमा काठमाडौँ महानगरपालिका आफैँले गर्थ्यो। 


कपतिपय ठाउँमा सडक विभागले पनि आफैँ सरसफाई गर्दै आएको थियो । हामीले वातावरण र फोहोर-मैलासँग सम्वन्धित निकायलाई सरसफाईका लागि आह्वान गर्दै आएका थियौँ । अब सामुहिक प्रयत्नबाट काठमाडौंलाई सफा र सुन्दर बनाउनेछौं ।’

मेयर शाक्यले उद्घाटन गरेसँगै रत्नपार्कबाट सुरु भएको सडक सरसफाइ अभियान बागबजार, डिल्लीबजार, मैतीदेवी, पुरानो बानेश्वर, भीमसेनगोला हुँदै सिनामंगलसम्म पुगेको थियो।