जुम्लाको तापक्रम माइनस ३ मा झर्‍यो, काठमाडौंमा हल्‍का कुहिरो

काठमाडौं- तापक्रम ओरोलो लागेसँगै चिसो निरन्तर बढ्‍दै गइरहेको छ। आज जुम्लाको तापक्रम माइनस ३ डिग्री सेल्सियमा झरेको छ। जुम्लाको तापक्रम शुक्रबार माइनस दुर्इ डिग्री सेल्सियसमा मापन गरिएकव थियो। 

काठमाडौंमा शुक्रबार ७ दशमलव डिग्री सेल्सियस रहेको तापक्रम शनिबार पनि ७ डिग्रीमा झरेको छ। आज हल्का कुहिरोसमेत लागेको छ। बिहीबार काठमाडौंको न्‍यूनतम तापक्रम ८ डिग्री सेल्सियस थियो भने जुम्लाको तापक्रम भन माइनस १ दशमल ६ डिग्री सेल्सियस थियो। 

आजको जोमसोमको तापक्रक १ दशमलव ६ डिग्री सेल्सियस, जिरीको २ दशमलव ५ डिग्री, डडेल्धुरामा ७ दशमलव ४ डिग्री र तापल्जेङको तापक्रम ७ दशमलव ६ डिग्री सेल्सियस मापन गरिएको छ। 

शुक्रबार जोमसोमको तापक्रम ३ दशमलव २ डिग्री, जिरीको तापक्रम ३ दशमलव ७ डिग्री र डडेल्धु्राको तापक्रम ६ दशमलव ५ डिग्री सेल्सियस  मापन गरिएको थियो। 

मंसिर ०८ गते शनिबार दिउँसो देशको पूर्वी तथा मध्य पहाडि भू-भागका केही स्थानमा आंशिक बदलि रहने सम्भावना छ भने बाँकि भू-भागमा मौसम सामान्यतया सफा रहने जल तथा मौसम पूर्वानुमान महाशाखाले जनाएको छ। 

काठमाडौंमा आज बिहान ६ बजेर ३२ मिनेटमा सुर्योदय भयो भने सुर्यास्त बेलुका ५ बजेर ९ मिनेटमा हुनेछ।