‘ए’ डिभिजन लिग : दुई विभागिय टोली आज भिड्दै

काठमाडौं- पल्सर सहिद स्मारक ‘ए’ डिभिजन लिग अन्तर्गत आज (शुक्रबार) तीन खेल हुदैछ । पहलिो खेल बिहान ११ बजे हुँदै छ भने दोस्रो र तेस्रो खेल दिउँसो २:३० बजे हुने छ । 

बिहान ११ बजेको खेल सात दोबाटोस्थित एन्फा कम्प्लेक्समा हुने छ भने पछिल्ला दुई खेलमा एक खेल एन्फ कम्प्लेक्स र अर्को खेल हलचोकस्थित एपीएफ क्लबको खेल मैदानमा हुने छ । 

शुक्रबारको पहिलो खेलमा ब्रिगेट ब्वाईज क्लब र विभागिय टोली एपीएफबीच प्रतिस्पर्धा हुदै छ । लिगका दुई खेल खेली सक्दासम्म जित विहिन रहेको ब्रिगेट ब्वाईज एपीएफसँगको खेलमा जित निकल्ने दाउमा मैदानमा प्रवेश गर्ने छ । 

यता एपीएफ भने लिगमा आफ्नो दोस्रो जितको खोजिमा हुने छ । एपीएफले दुई खेल खेली सक्दा एक खेलमा जित र एक खेल बाबरी खेल्दै लिगमा ४ अंक जोडेको छ । ब्रिगेट ब्वाईज भने अंक तालिकाको पुछारमा छ । 

दोस्रो खेल विभागीय डर्बीको हुनेछ । जहाँ त्रिभुवन आर्मी क्लब र नेपाल पुलिस क्लबबीच प्रतिस्पर्धा हुनेछ । लिगको तेस्रो चरणको अर्को निकै नै रोमाञ्चक खेलको रुपमा हेरिएको यो खेल एन्फा टेक्निकल सेन्टरमा दिउँसो साढे २ बजे सुरु हुनेछ । 

यि दुबै टोली दोस्रो जितको खोजमा मैदानमा एक अर्काबीच प्रतिस्पर्धा गर्ने छन् । दुई खेल खेलेका यि दुई टोलीले एक खेलमा जित र एक खेलमा बरिबरी खेल्दै समान ४ अंक जोडेका छन् ।
 
आजै हुने तेस्रो खेलमा मछिन्द्र क्लब र संकटा क्लबले प्रतिस्पर्धा गर्नेछन् । खेल हलचोक मैदानमा दिउँसो साढे २ बजे सुरु हुनेछ । पहिलो जितको खोजिमा रहेको मछिन्द्र लिगका दुई खेल जितेको संकटासँग अंक खोस्ने दाउमा रहेको छ । 

सुरुवाती दुई खेलमा बराबरी खेल्दै २ अंकका साथ अंक तालिकाको ९ स्थानमा रहेको मछिन्द्रलाई पराजित गर्दै संकटा सतप्रतिशत जित निकाल्ने दाउमा रहेको छ । संकटाली दुबै खेलमा जित निकाल्दै लिगको अंक तालिकाको तेस्रो स्थानमा छ ।