इपीएल : आयरल्याण्डका पाउल स्टिलिर्ङ चितवनमा अनुबन्धित 

काठमाडौं- आयरल्याण्डका विकेट किपर पाउल स्टिलिर्ङ टिभिएस एभरेष्ट प्रिमियर लिग (ईपीएल) टी-२० का लागि चितवन टाइगर्समा अनुबन्धित भएका छन् । चितवनले बिहिबार प्रेस विज्ञप्ति मार्फत स्टिलिर्ङलाई चितवनमा अनुबन्ध गरेको जनाएको हो ।
 
निकै अनुभवी खेलाडी स्टिलिर्ङसँग बंगलादेश प्रिमियर लिग खेलेको अनुभव रहेको छ । इंग्ल्यान्डको काउन्टी मिडलसेक्सबाट खेलिसकेका २८ बर्षिय स्टिलिर्ङ अलराउन्डर समेत हुन् । 

स्टिलिर्ङ अहिले युएईमा जारी टी-१० लिग खेलिरहेका छन् । उनी नेपाली राष्ट्रिय टोलीका सदस्य सन्दीप लामिछाने रहेको केरला किङसबाट खेलिरहेका छन् । आयरल्याण्डबाट स्टिलिर्ङले १ टेष्ट, १ सय एकदिवसीय र ५२ टी-२० अन्तर्राष्ट्रिय खेल खेलेका छन् । 

उनले ६५ प्रथम श्रेणीका खेल र १ सय ८० लिस्त ‘ए’ मान्यता प्राप्त खेल खेलेका छन् । ‘गत सिजन हामीले चाहे जस्तो गर्न सके नौ । त्यसैले हामीले यस सिजन अनुभवि खेलाडी अनुबन्धित गरि रहेका छौ ।’ 

चितवन टाइगर्सका मालिक किशोर भट्टले प्रस विज्ञाप्ती मार्फत जानकारी दिए, ‘बाँकी दुई विदेशी खेलाडी भित्र्याउने प्रयास गरि रहेका छौ ।’