पहिलो हाफ : थ्रीस्टारविरुद्ध मनाङको २-० को अग्रता

काठमाडौं- पल्सर सहिद स्मारक ‘ए’ डिभिजन लिग अन्र्तगत बिहिबारको दोस्रो जारी खेलको पहिलो हाफमा मनाङ मस्र्याङ्दीले थ्री स्टार क्लबविरुद्ध अग्रता लिएको छ । मनाङले थ्री स्टारविरुद्ध पहिलो हाफमा २-० को अग्रता लिएको हो । 

मनाङले पहिलो हाफको १० औं मिनेटमा सुरुवाती अग्रता सिलएको थियो । मनाङलाई अग्रता दिलाउन अञ्जन बिष्टले गोल गरेका थिए । उनले हेमन गुरुङको लामो पासलाई भलि प्रहार गर्दै उत्कृष्ट गोल गरेका थिए । 

त्यसपछि खेलको १८ औं मिनेटमा एडेलेजा ट्रेसले गोल गर्नै टोलीको अग्रता दोब्बर पारे । उनले हेमन गुरुङकै लामो पासलाई रिसिभ गर्दा थ्रीस्टारका गोलकिपर एलन न्यौपाने फरवार्डमा आएक थिए । 

तर, प्रहार भएको बललाई विजय धिमालले रोक्न खोज्दा बल रोलिङ हुँदै गोल पोस्टमा पुगेका थियो । बल बचाउन कप्तान बिक्रम लामाले थ्रयास गर्न खोज्दा उनी पनिान असफल भएका थिए ।

निकै नै रोमाञ्चक भएको पहिलो हाफमा थ्री स्टारले अक्रमक खेल प्रस्तुत गरे पनि गोल गर्न भने सकेन । यसअघि थ्री स्टारले प्रतियोगिताको लय समात्दै आएको थियो भने मनाङ स्टार खेलाडी खेलैपिछे घाइते हुनुले संकटमा परेको थियो । 

यसअघि मनाङका कप्तान तथा मिडफिल्डर सुजल श्रेष्ठ र प्रकाश बुढाथोकी चोटका कारण केही साता मैदान बाहिर रहेका छन् ।  दोहोरो पहेलो कार्डका कारण ओलावाले अफिजले थ्री स्टारविरुद्वको खेल गुमाएका थिए ।