सन्दीप डेब्यु खेलमा नै ‘म्यान अफ दि म्याच’

काठमाडौं- युएईमा जारी टी-१० क्रिकेट लिगमा केरला किङसबाट खेलिरहेका नेपाली राष्ट्रिय टोलीका सदस्य सन्दीप लामिछाने आफ्नो डेब्यु खेलमा नै ‘म्यान अफ दि म्याच’ घोषित भएका छन् । बुधबार भएको खेलमा साहिद अफ्रिदिको टिम पख्तुनविरुद्ध ३ विकेट लिदै ‘म्यान अफ दि म्याच’ घोषित भएका हुन् । 

उनकै पाँच विकेटको उत्कृष्ट प्रदर्शनको मद्दतले केरलाले पख्तुनलाई ८ विकेटले पराजित गरेको थियो । पख्तुनलाई सस्तैमा रोक्न सन्दीप लामिछानेले २ ओभर बलिङ गर्दै १७ रन खर्चेर ३ विकेट लिएका थिए । 

पख्तुनविरुद्ध सन्दीपले आफ्नो पहिलो ओभरमै दुई विकेट लिएका थिए । आफ्नो पहिलो ओभरको पहिलो बलमै विकेट लिएका सन्दीपले अन्तिम बलमा समेत विकेट लिएका थिए । चौथो ओभरमा बलिङ गर्न आएका सन्दीपले आक्रामक ब्याटिङ गरिरहेका वेष्ट इण्डिजका आन्द्रे फ्लेचरलाई पहिलो बलमा पेभेलियनको बाटो देखाए । 

फ्लेचर ३२ रनमा आउट भए । त्यसपछि अन्तिम बलमा सन्दीपले दक्षिण अफ्रीकाका कोलिन इन्ग्रामलाई १ रनमा आउट गरे । यस्तै छैटौं ओभरको चौथो बलमा सन्दीपले मुहमद कलिमलाई सुन्य रनमा आउट गरेका थिए । 

पख्तुनले पुरै १० ओभर खेल्दै ५ विकेट गुमाएर १०९ रन जोडेको थियो । पख्तुनले दिएको ११० रनको लक्ष्य केरलाले ७ ओभर ५ बलमा मात्र २ विकेट गुमाएर पुरा गर्यो । केरलाका लागि कप्तान इयान मोर्गनले अविजित ४६ रन जोड्दा केइरन पोलार्डले अविजित ११ रन बनाए । 

यस्तै पाउल स्ट्रलिङले ४० रन बनाउदा क्रिस गेल १३ रन जोडेर आउट भए । पख्तुनका अन्द्र्यु डसन र सोहिल खानले १र१ विकेट लिए । प्रतियोगिताको लागि सन्दीपलाई केरलाले ३० हजार अमेरिकी डलरमा अनुबन्ध गरेको थियो ।