वीरगन्ज‍ भन्सारले चार महिनामा उठायो साढे ५४ अर्ब कर

वीरगन्ज‍-  वीरगन्ज‍ भन्सार कार्यालयले चार महिनामा ५४ अर्ब ४७ करोड ८३ लाख ६ हजार रुपैयााँ राजस्व संकलन  गरेको छ । 

अर्थ मन्त्रालयले वीरगन्ज‍ भन्सारलाई चालु आर्थिक वर्षको पहिलो चार  महिनामा ५१ अर्ब ४८ करोड १७ लाख ५३ हजार रुपैया राजस्व असुुली गर्न लक्ष्य दिएको थियो । 

भन्सार कार्यालयले  लक्ष्य भन्दा ३ अर्ब ९९ करोड रुपैयाँ बढी अर्थात् लक्ष्य भन्दा झण्डै ६ प्रतिशतले बढी असुली भएको भन्सार कार्यालयका कर प्रशासक सह सचिव श्याम प्रसाद भण्डारीले बताए । 

कार्यालयले कार्तिक मसान्तसम्म भन्सार राजस्वतर्फ १८ अर्ब ८७ करोड ३३ लाख रुपैयाँ र मुल्य अभिवृद्धि कर (भ्याट)बाट  २१ अर्ब ८१ करोड ३५ लाख ४४ हजार रुपैया असुलेको  छ । अन्त: शुल्कतर्फ १० अर्ब ८६ करोड ८४ लाख  रुपैयाँ, पूर्वाधार कर २ अर्ब ९३ लाख ८० हजार असुलियो भएको कार्यालयले जानकारी दिएको छ।

अग्रीम आयकरतर्फ २६ करोड ७२ लाख ७ हजार, स्वास्थ्य जोखीम करतर्फ ३४ लाख ८७ हजार र अन्य कर तर्फ ८८ करोड ७० लाख ४० हजार राजस्व असुली गरेको  प्रमुख भन्सार अधिकृत गोपाल खत्रीले जानकारी दिएका छन् । 

सवारी साधनको राजश्व दरमा नयाँ बजेट वक्तव्यमा गरिएकोसँगै इन्धनको मूल्य र आयात दुबै बढेकाले आयातमा आधारित राजश्व असुलीमा सकारात्मक असर परेको हो । यस अवधिमा विकास निर्माणका लागी आवश्यक निर्माण सामाग्री तथा कच्चा पदार्थको आयात समेत बढेकाले राजस्व असुलीको लक्ष्य भन्दा बढी राजश्व संकलन भएको प्रमुख भन्सार अधिकृत खत्रीले बताए।