डा गोविन्द केसी अस्पताल भर्ना

काठमाडौँ- अचानक छातिमा समस्या देखापरेपछि प्राध्यापक डा गोविन्द केसी अस्पताल भर्ना भएका छन् । छातिमा दुखाइ बढेपछि उनलाई सोमबार बिहान ४ बजे मनमोहन कार्डियोथोरासी भास्कुलर तथा ट्रान्सप्लान्ट सेन्टर महाराजगन्ज ईमर्जेन्सी विभागमा भर्ना गरिएको हो । 

उनको अवस्था जटिल नभएपनि रिपोर्ट नआइ केहि भन्न सकिने अवस्था नभएको डाक्टर अभिषेक सिंहले जानकारी दिए । डा केसीको अहिले विशेष चिकित्सकहरुको टोलीले उपचार गरिरहेको छ । 

स्वास्थ्य क्षेत्रको बेथिती सुधारका माग गर्दै १५ पटकसम्म अनसनमा बसेका डा केसीले आफ्ना माग पुरा नभएको भन्दै असन्तुष्टि जनाउँदै आएका थिए । आफूसँग भएको सहमती कार्यान्व्यन नगरे पुनः अनसन बस्ने समेत उनले चेतावनी दिएका थिए ।