रुकुममा बन्दुक र खुकुरीले हानेर श्रीमती र छोराको हत्या 

रुकुम- रुकुम पश्चिमको त्रिवेणी गाउँपाकिला १ बल्लेजुरामा एक ब्यक्तिले आफ्नै श्रीमति र छोराका हत्या गरेका छन् । ४९ वर्षीय सत्तबहादुर बुढाले भरुवा बन्दुर खुकुरीको प्रयोग गरि श्रीमती र छोराको हत्या गरेको जिल्ला प्रहरी कार्यालय पश्चिम रुकुमले जनाएको छ । 

आइतबार बिहान साढे ७ बजे घरायसी विवाद भएपछि बुढाले ४२ वर्षकी श्रीमती इन्द्रकला र ११ वर्षीय छोरा स्वयमप्रकाशको हत्या गरेको प्रहरीले बताएको छ । बुढाले श्रीमती इन्द्रकलाको छातीमा गाली हानेका छन् भने छोरा स्वयमप्रकाशको खुकुरीले हानेर टाउको छिनाएको प्रहरीले बताएको छ। 

हत्यारा बुढालाई प्रहरीले नियन्त्रणमा लिएको छ । मृतकको शव पोस्टमार्टमका लागि अस्पताल पठाउने तयारी भएको छ।