मालदिभ्सका राष्ट्रपतिकाे सपथमा किन पुगे मोदी ?  

कोलम्बो- सेप्टेम्बरमा भएको मालदिभ्सको राष्ट्रपतीय निर्वाचनमा बहुमतप्राप्त गरेका इब्राइम मोहम्मद सोलिहले राष्ट्रपतिका रूपमा सपथ लिएका छन्। 

राजधानी मालेस्थित राष्ट्रिय फुटबल रङ्गशालामा आयोजना भएको संसदको विशेष समारोहमा सोलिहले शनिबार सपथ लिएका हुन् । सपथ ग्रहण समारोहमा  भारतीय प्रधानमन्त्री नरेन्द्र मोदी, चीनका विदेशमन्त्री लु शुगाङलगायत स्वदेशी तथा विदेशी पाहुनाहरूको उपस्थिति रहेको थियो । 

मालदिभ्सका शक्तिशाली नेता अब्दुल्लाह यमीनलाई पराजित गर्दै उनकाे राष्ट्रपतिमा निर्वाचित भएका थिए । यमीनलाई चीनको बलियो समर्थन रहेको थियो भने सोलिहलाई भारतीय समर्थन रहेको बताउने गरिन्छ । 

माल्दिभ्सको तत्कालिन राष्ट्रपति यमीनले प्रतिपक्षी दलका चर्चित नेता विभिन्न अभियोगमा जेल र विदेश निर्वासनमा रहेका समय भएको निर्वाचनमा खासै चर्चा नपाएका ५४ बर्षीय सोलिहले यमीनको अपेक्षा विपरित निर्वाचनमा बहुमत पाएका थिए । 



मालदिभ्सले झण्डै ८० प्रतिशतभन्दा बढी कर्जा चीनसँग लिएको अवस्थामा भारत तथा यूरोपेली मुलुकहरूको समर्थन रहेका सोलिहको सत्ता आगमनलाई विशेष चासोका साथ हेरिएको छ । एजेन्सी