पोर्चुगल युइएफए नेसन्स लिगको सेमिफाइनलमा

मिलान (एजेन्सी)- शनिबार राति भएको युइएफए नेसन्स लिग फुटबलमा इटालीसँग बराबरी खेल्दै पोर्चुगल लिगको सेमिफाइनलमा प्रवेश गरेको छ । सुपर स्टार क्रिस्टियानो रोनाल्डोविना नै मैदानमा उत्रेको पोर्चुगल इटालीसँग गोलरहित बराबरी खेलेपनि सेमिफाइनलमा प्रवेश गर्न सफल भएको हो । 

घरेलु मैदानमा भएको खेलको खेलको पाँचौ मिनेटमा नै इटालीले अग्रता लिने मौका खेर फाल्दा खेल गोल रहित बराबरीमा रोकिन पुगेको थियो । चिरो इम्मोबिलेले चार यार्डबाट गरेको प्रहार क्रसबारमा लागेर फर्किएको थियो ।

 दोस्रो हाफमा घरेलु टोलीले बल नियन्त्रणमा राखेपनि गोल गर्न सकेन । यता पोर्चुगलले पनि पहिलो हाफको तुलनामा दोस्रो हाफमा केही अवसर सिर्जना गरेपनि सदुपयोग गर्न सकेन् । पोर्चुगलले एक खेल खेल्न बाँकी छदै नेसन्स लिग ए को समूह ३ मा समूह विजेता बन्दै सेमिफाइनलमा पुग्दा, इटाली समूह उपविजेता बनेको छ । 

पोल्यान्ड भने पुछारमा रहँदै रेलिगेसनमा परेको छ । रोनाल्डाको अनुपस्थितिमा पनि पोर्चुगलले पछिल्ला ५ मध्ये ३ खेलमा जित हात पारेको छ । क्रोएसियासँग १-१ गोलको बराबरीमा रोकिँदा त्यसयता पोर्चुगलले इटालीलाई १-०, पोल्यान्डलाई ३-२ र स्कटल्यान्डलाई ३-१ ले पराजित गरेको गरेको छ ।