काठमाडौंमा आज वर्षकै धेरै चिसो

काठमाडौं- काठमाडौंमा दिनानुदिन चिसो बढ्दै गएको छ। आज यस वर्षकै धेरै चिसो भएको छ। शनिबार बिहान यो वर्षकै कम तापक्रम मापन गरिएको छ। मौसम पूर्वानुमान शाखाका अनुसार बिहान काठमाडौंको तापक्रम ६ दशमलव २ डिग्री सेल्सियस मापन गरिएको हो। 

यसअघि २० कार्तिकमा तापक्रम घटेर ६ दशमलव ५ डिग्री सेल्सियस मापन गरिएको थियो त्यसपछि क्रमश तापक्रम बढेर न्यूनतम तापक्रम ९ डिग्री सेल्सियस पुगेको थियो।  जुम्लाको तापक्रम भने माइनस २ दशमलव ५ डिऊ्री सेल्सियस पुगेको छ। 

मौसम सफा भएकाले यो वर्ष सँधैभन्दा छिटै देशभरी कै न्यूनतम तापक्रम घटेको मौसमविद्हरुले बताएका छन्।

राति मौसम सफा हुँदा जमीन चिसो हुने भएकाले तापक्रम घटेको हो । तत्काल पानी पर्ने संभावना नभएको जनाइएको छ।

आज बिहान सुुर्योदय ६ बजेर २६ मिनेटमा भयो भने ५ बजेर ११ मिनेटमा सुर्यास्त हुनेछ।