विवाह मण्डपमा यस्ता देखिए रणवीर र दीपिका

चर्चित बलिउड स्टार रणवीर सिंह र दीपिका पादुकोणले विवाह मण्डपमा सजिएको फोटो सार्वजनिक गरेका छन् । गोप्य रुपमा वैवाहिक बन्धनमा बाँधिएका उनीहरुले पहिलो पटक फोटो सार्वजनिक गरेका हुन् ।

बिहिबार साँझको ६ बजे नव दुलाहा सिहं र नव दुलही पादुकोणले आफ्नो विवाहको फोटो इन्स्टाग्राममार्फत सेयर गरेका थिए ।   

बुधबार कोकणी रिवाजमा भएको विवाहमा पादुकोण निकै रोयल लुक्समा देखिएकी थिइन् । त्यस्तै सिंह ह्वाइट आउटफिटमा थिए । फोटोमा दुई निकै खुलस्त रूपमा हाँसेको देखिन्छ । 


बिहिबार भएको सिन्धी रिवाजको विवाहमा भने उनीहरूको क्लोजअप फोटो सेयर गरेको छन् । जसमा दुवै निकै प्यारा देखिएका छन् । सेयर भएका फोटा ७ मिनेटमा ३ लाख भन्दा बढी लाइक पाएको थियो । 

उनीहरूको विवाह इटालीको लेक कोमोमा भएको थियो । विवाहमा सरिक गेस्टहरूलाई विवाह हुने लोकेसन पनि जानकारी दिएको थिएन् । गेस्ट जति सबैलाई बोटमार्फत विवाहको लोकेसनमा पुर्‍याइको थियो ।