घुस प्रकरणमा पक्राउ परेका डिएसपी रार्इ रिहा

काठमाडौं- सेवाग्राहीसँग एक लाख ४० हजार घुस लिंदै गर्दा पक्राउ परेका महानगरीय प्रहरी वृत्त बौद्धका डिएसपी श्यामकुमार राईलार्इ धरौटीमा रिहा गरिएको छ। 

उनलार्इ विशेष अदालतका न्यायाधीशहरु द्वारिकामान जोशी, रत्नबहादुर बागचन्द र  प्रमोदकुमार श्रेष्ठ वैद्यको इजलासले एक लाख ४० हजार धरौटीमा रिहा गर्न आदेश दिएको हो।  

अख्तियार दुरुपयोग अनुसन्धान आयोगले रार्इविरुद्ध बुधबार भ्रष्टाचार मुद्दा दायर गरेको थियो। त्यसको एक दिनपछि अदालतले रिहाको आदेश दिएको हो।  

उनले सेवाग्राहीसँग टिभी खरिदका लागि घुस लिएको आरोप थियो। उनलार्इ कार्यकक्षबाटै रंगेहात पक्राउ गरेको हो।

उनीविरुद्ध भ्रष्टाचार निवारण ऐन २०५९ को दफा ३ को उपदफा (१) बमोजिम कसुर गरेको देखिएकाले सोही उपदफाको (घ) बमोजिम जरिवाना र कैद सजाय हुनेगरी मागदाबी लिई बुधबार विशेष अदालतमा मुद्दा दायर गरिएको थियो।