हस्तकला उत्सव : बाजुराको राडीदेखि खाँदवारीको अल्लोसम्म

काठमाडौंको भृकुटीमण्डपमा १६ औं हस्तकला व्यापार मेला तथा १४ औं प्रतियोगितात्मक हस्तकला प्रदर्शनी सुरु भएको छ । मेलामा नेपालीदेखि विदेशी सामानहरु राखिएका छन्।

काष्ठकला, धातुकला, सुनचाँदी, अल्लो, ऊनी, सुती, ढाका, पस्मिना, हाते कागज, छालाजन्य सामानका स्टल राखिएको आयोजक नेपाल हस्तकला महासंघले जनाएको छ । प्रदर्शनीमा ललितपुर बुङमतीको रातो मछिन्द्रनाथको मन्दिर नै बनाएर राखिएको छ। त्यहाँ राखिएको बुङमतीको मछिन्द्रनाथ मन्दिर देख्दा भूकम्पअघि त्यहाँ पुगेका आभाष हुन्छ।

मेला मंसिर २ गतेसम्म सञ्चालन हुनेछ।