‘मलाई बदनाम गर्नेहरुले जिब्रो टोक्नेछन्, पश्चताप गर्दै भुटभुटिनेछन्’

काठमाडौं– राजधानीबाट बुधबार प्रकाशित दैनिक पत्रिकाले छठ पर्व, यसको महत्वलाई छापेका छन् । संघीयता थपिएसँगै भिआईपीको सुरक्षाका लागि तेब्बर सुरक्षाकर्मी खटाउनुपर्ने अवस्था आएको, दोहोरो सुविधाको मस्तीमा पूर्वराष्ट्रसेवकहरु रहेको, नेकपाका नेता वामदेव गौतमलाई अर्को झड्का लागेकोलगायतका खबरलाई प्राथमिकताका साथ छापेका छन् । 

नयाँ पत्रिका दैनिकले नेकपाका नेता वामदेव गौतमको विषयलाई लिएर मुख्य समाचार बनाएको छ । सांसद बन्ने आबेगबाट फिर्ता भएका वामदेवले राष्ट्रिय विकास प्राधिकरण गठन गर्न र त्यसको नेतृत्व आफूलाई दिन प्रधानमन्त्री केपी शर्मा ओलीलाई प्रस्ताव गरेका थिए । तर, प्रधानमन्त्रीले गौतमको प्रस्तावलाई अस्वीकार गरेपछि उनलाई फेरि अर्को झड्का लागेको छ । तर, उनले कम्पनी खोलेरै भएपनि देशको विकास गर्ने बताएका छन् । गौतमले भनेका छन्, ‘डेढ दुई महिनामा सबै विषय खुलस्त हुन्छ । मैले किन र कस्तो भूमिका खोजेको हुँ भन्ने पनि प्रस्ट हुनेछ । तब यसअघि मलाई बदनाम गर्नेहरुले जिब्रो टोक्नेछन्, पश्चताप गर्दै भुटभुटिनेछन्, चोटामा आएर लुटपुटिनेछन् ।’

नागरिक दैनिकले संघीयताले थपेका भिआईपीको सुरक्षाका लागि तेब्बर बढी सुरक्षाकर्मी घटाउनुपर्ने शीर्षकको समाचारलाई मुख्य बनाएको छ । मन्त्रिपरिषदबाट विशिष्ट व्यक्तिहरुको सुरक्षासम्बन्धी परिमार्जित निर्देशिका पारित भएपछि त्यस्तो सुरक्षामा खटिने सुरक्षाकर्मीको संख्या पनि तेब्बरले बढ्नेछ । यसबाट सरकारलाई अतिरिक्त आर्थिक भार पर्न जानेछ । त्यस्तै पूर्वराष्ट्रसेवकहरु लभको पदमा लालची देखाउँदै दोहोरो सुविधाको मस्तीमा रहेको समाचारलाई पनि मुख्य रुपमा छापेको छ । 

कान्तिपुर दैनिकले फेसबुकमा स्टाटस लेख्दा ११ निकायलाई स्पष्टिकरण सोधिएको खबरलाई प्राथमिकताका साथ छापेको छ।