काठमाडौंमा यसरी मनाइयो छठ

काठमाडौं- सूर्यको पूजाआराधना गरेर मनाइने पर्व छठको रौनक यतिबेला देशभर छ। विगतका वर्षहरुमा तराईका जिल्लाहरुमा बढी मनाइने यो चार्ड अहिले देशभरका नागरिकले आपसी सद्भाव झल्काउने पर्वका रुपमा मनाउँदै आएका छन् । 

तरार्इका जिल्लासहित काठमाडौंमा पनि छठको रौनक कम भएन । काठमाडौंको गुह्यश्वरीमा छठीमाताको पूजा गर्न पुगेका श्रद्धालु खचाखच थिए । पूजाका लागि बागमतीमा ६ सय २४ स्टल बनाइएको र विगतमा भन्दा यो वर्ष पूजा गर्न आउनेको संख्या बढेको छठ व्यवस्थापन समितिका सदस्य अनिल सिंहले बताए ।

गुह्यश्वरीको पूजा घाटमा छठ पूजा गर्न पहाडे समूदायका मानिस धेरै आउने गरेको सिंहले सुनाए । छठलाई व्यवस्थित बनाउन सुरक्षा व्यवस्था पनि मजबुद बनाइएको सिंहले बताए । पर्वको रौनकतासँगै पूजा गर्न आउने श्रद्धालुको संख्यालाई आधार मानेर सुरक्षा व्यवस्था व्यवस्थित बनाउनुका साथै स्वास्थ्य शिविर र घुम्ति सेवा शिविर सञ्चालन गरिएको पनि उनले बताए ।

हेर्नुहोस म‌ंगलबार राति गुह्यश्वरीमा गएर छठको पूजा गर्ने श्रद्धालुहरू :