ओलम्पिक छनोट : नेपाल र बंगलादेशबीचको खेल सुरु

काठमाडौं- २०२० जापानमा हुने ओलम्पिकका लागि एसियन महिला फुटबल छनोट अन्तर्गतको आफ्नो तेस्रो खेलमा नेपाल र बंगलादेशबीचको खेल सुरु भएको छ । खेल म्यानमारको याङगोनस्थित थुनुवा स्टेडियममा सुरु भएको हो । 

जित बिहिन समूहको पुछारमा रहेको बंगलादेशलाई पराजित गर्दै नेपाल दोस्रो चरणमा पुग्ने लक्ष्यका साथ मैदानमा उत्रेको छ । बंगलादेशलाई पराजित गर्न सके पहिलो पटक ओलम्पिक छनोट खेलि रहेको नेपालले दोस्रो चरणका लागि छनोट हुनेछ । 

त्यस्तैले नेपाललाई दोस्रो चरणमा प्रवेश गर्न यो खेल जित्नै पर्ने दबाब छ । नेपालले सुरुवाती दुई खेलमा बराबरी खेलेमा बराबरी खेलेका थियो । आफ्नो छनोटको पहिलो खेलमा भारतसँग १-१ को बराबरी खेलेको नेपालले दोस्रो खेलमा पनि आयोजक म्यानमारसँग १-१ को बराबरी खेलेको थियो । यि दुई खेलले नेपाललको मनोबल उच्च रहेको छ । 

आफ्नो पहिलो खेलमा म्यानमारसँग ५-० ले पराजित भएको बंगलादेश आफ्नो दोस्रो खेलमा  भारतसँग ७-१ को भारी अन्तरले पराजित भएको थियो । समान दुई दुई खेल खेलेको म्यानमार ४ अंक जोड्दै तालिकाको शीर्ष स्थानमा छ भने ४ अंक नै जोडेको भारत गोल अन्तरका आधारमा दोस्रो छ । 

त्यस्तै नेपाल दुई खेलमा दुई अंक सहित तेस्रो स्थानमा छ । प्रत्यक समूहको शीर्ष २ टोली र तेस्रो हुने उत्कृष्ट दुई टोली दोस्रो चरणमा छनोट हुनेछन् । बंगलादेशले पनि नेपाललाई पराजित गरे दोस्रो चरणमा पुग्ने सम्भावना रहने छ ।