भारतको छत्तिसगढमा विधानसभा चुनाव सुरक्षा व्यवस्था कडा

काठमाडौ-भारतको छत्तिसगढ राज्यमा विधानसभा चुनावकालागी मतदान भैरहेका बेला सुरक्षा व्यवस्था कडा पारिएको छ । छत्तिसगढ राज्यमा विधानसभाकालागि ९० सिट छन ।

नक्सलबादी माओबादीको प्रभाव क्षेत्र मानिने उत्त क्षेत्रमा सम्भावित घटना हुन नदिन एकलाख सुरक्षाकर्मी परिचालन गरिएको भारतीय संचार माध्यमले जनाएका छन ।

नोभेम्बर १२ र २० गते दुईचरणमा सम्पन्न गर्ने गरी दुई चरणको चुनाव तय गरिए अनुसार पहिलो चरणको मतदान सोमबार भैरहेको छ । उक्त मतदानको नतिजा भने मध्येप्रदेश, तिलंगना, मिजोरम तथा छत्तिसगढको एकैसाथ आगामी डिसेम्बर ११ मा सार्वजनिक गरिने जनाईएको छ ।

छत्तिसगढ भारतीय जनता पार्टी तथा भारतीय कंग्रेस आईको मुख्य प्रभाब क्षेत्र हो । सन २०१३ को विधानसभामा चुनावमा छत्तिसगढबाट विजेपीले ४९ सिट तथा कंग्रेसले ३९ स्थानमा जित हासिल गरेका थिए भने दुईसिटमात्र अन्य पार्टीले  जित हासिल गरेका थिए ।