दशैँ तिहारकोबीचमा सुर्खेतबाट ७७ जुवाडे पक्राऊ

सुर्खेत- कात्तिक १४ गते जुवा खेलिरहेका अवस्थामा लेकवेशी नगरपालिकाबाट १३ जना पक्राउ परे । उनीहरुको साथबाट प्रहरीले ८० हजार नगद रकम पनि नियन्त्रणमा लियो ।

त्यस्तै कात्तिक १८ गते वीरेन्द्रनगरको एक होटलमा जुवा खेलीरहेको अवस्थामा ७ जनालाई पक्राउ परे । उनीहरुको साथबाट ५ लाख, २५ हजार ७ सय ८९ रुपैयाँ बरामत ग¥यो । सोही दिननै वीरेन्द्रनगर–११ पिपिराचौकबाट २३ हजार ५ सय नगद सहित ५ जना पक्राउ परे ।

माथि उल्लेखि घटनाहरु केही प्रतिनिधि घटनामात्रै हुन् । दशै र तिहारका जुवा खेल्दैगर्दा सुर्खेतबाट ठूलो संख्यामा जुवाडेहरु पक्राउ परेका छन् ।

जिल्ला प्रहरी कार्यालय सुर्खेतले ७७ जना जुवाडेलाई पक्राउ गरेको छ । दशै र तिहारअवधिमा जुवा खेलीरहेको अवस्थामा उनीहरुलाई पक्राउ गरिएको जिल्ला प्रहरी कार्यालय सुर्खेतका डिएसपी प्रदिपबहादुर क्षेत्रिले जानकारी दिए ।

उनका अनुसार बिभिन्न ११ वटा स्थानबाट ७७ जना जुवाडे पक्राउ परेका हुन् । उनीहरुको साथबाट १० लाख ५१ हजार ९ सय ७८ रुपैयाँ समेत बरामत गरिएको प्रहरीको भनाई छ । पक्राउ परेका सबैलाई अदालतबाट म्याद थप गरी कारबाही थालिएको प्रहरीले जनाएको छ । जुवातास नियन्त्रण अभियान अन्तरगत उनीहरु पक्राउ गरेको हुन् ।

दसैँ तिहार, छठ लगायत पर्वहरूमा जिल्लामा जुवातास मौलाउँदै गएपछि प्रहरीले ३० वटा स्थायी यूनिट र ८ वटा अस्थायी यूनिटमार्फत जुवातास नियन्त्रण अभियान थालेको थियो । प्रहरीले शान्ति, सुरक्षा र अमर्यादित गतिविधि विरुद्ध कडाइ गरेको दाबी गरेपनि त्यसमा कमी आउन सकेको छैन ।