ओलम्पिक छनोट : म्यानमारसँग नेपालले बराबरी खेल्यो 

काठमाडौं- ओलम्पिक एसियन महिला फुटबल छनोट अन्तर्गतको दोस्रो खेलमा नेपालले म्यानमारसँग बराबरी खेलेको छ । आफ्नो पहिलो खेलमा भारतसँग १-१ को बराबरी खेलेको नेपालले म्यानमारसँगको आफ्नो दोस्रो खेलमा पनि १-१ को बराबरी खेलेको हो ।

नेपालले अग्रता लिएको खेलमा दुबै गोल पहिलो हाफमा भएका थियो । नेपालका लागि फरवर्ड सावित्रा भण्डारीले गोल गर्दा म्यानमारका लागि खिन मोइ वाइले बराबरी गोल गरिन् । 

नेपाललका लागि सावित्राले खेलमो दोस्रो मिनेटमा नै गोल गर्दै टोलीलाई अग्रता दिलाएकी थिइन् । तर, अग्रता जोगाउन नसक्दा नेपाल १४ औं मिनेटमा म्यानमाबाट गोल खान पुग्यो । 

र, महत्वपुर्ण तीन अंक गुमाउन पुग्यो ।  सुरुवाती अग्रता जोगाउन नसक्दा नेपालले अंक बाडेको हो । यससँगै नेपालको अंक दुई भएको छ भने म्यानमारको चार अंक भएको छ । यसअघी म्यानमारले आफ्नो पहिलो खेलमा बंगलादेशलाई ५-० ले पराजित गर्दै महत्वपुर्ण तीन अंक जोडेको थियो ।

आइतबार नै भएको खेलमा भारतले बंगलादेशलाई ७-१ ले हराएको छ । यस जितसँगै समूह ‘सी’ मा भारत २ खेलबाट ४ अंक जोड्दै शीर्ष स्थानमा छ । भारतको दोस्रो चरण पुग्ने सम्भावना जीवितै रहेको छ । 

आब नेपालले दोस्रो चरणमा पुग्न कार्तिक २७ गते बंगलादेशसँगको खेल्दै छ । जुन खेल नेपालले जित्नै पर्ने छ ।