धादिङको बेनिघाटमा ग्यास बुलेट दुर्घटना , दुईको मुत्यु

काठमाडौं–ग्यास बोकेर काठमाडौं आउदै गरेको ग्यास बुलेट बेनिघाट गाँउपालिका –५ स्थित बिसाल टार मोडमा दुर्घटना भएको छ ।  दुर्घटना गस्त ग्यास बुलेटले किचेर दुई जनाको मृत्य भएको छ । दुर्घटनामा परी बेनिघाट गाँउपालिका वडा नम्बर ५ की वडा सदस्य ३८ वर्षीया गिता नेपाली र १८ वर्षीया सनिता नेपालीको मृत्यु भएको हो । 

साढे  ११ बजे भएको दुर्घटनामा दुई जनाको मृत्यु भएको पुष्टि गर्दै उद्दारमा खटिएका सशस्त्र प्रहरीका नायब निरीक्षक यमबहादुर आलेले बुलेट चालक भारतीय भएको पनि जानकारी दिए । चालक भोला कुमारलाई प्रहरीले नियन्त्रणमा लिएकोछ । 

दुर्घटनाको विस्तृत विवरण आउन बाँकी छ । दुर्घटनामा परेको बुलेटबाट ग्यास चुहिएकाले सम्भावित दुर्घटनालाई रोक्न सुरक्षा सतर्कता अपनाइएकोछ । स्थानीय ठाउँको विद्युत सेवा अवरुद्ध गरिएको छ भने सवारी साधन दुवै तर्फ ३०० मिटर पर रोकिएको छ ।

विपत व्यवस्थापन धादिङका सशस्त्र प्रहरी उपरिक्षक वसन्त बोगटीले घटना स्थलमा सम्भावित दुर्घटना न्युनीकरणका लागी प्रहरी परिचालन गरिएको बताए ।