खोटाङमा भिषण आगलागी : पाँच घर नष्ट

नेपाल समय | आइतबार, पुस १६, २०७४

नेपाल समय

आइतबार, पुस १६, २०७४

खोटाङ- खोटाङको दिक्तेल बजारमा भीषण आगलागी हुँदा पाँच घर नष्ट भएका छन् । दुई घर जलेर नष्ट भएका छन् भने तीन घर भत्काइएको छ ।

शुक्रबार करिब साढे तीन बजेबाट सुरु भएको आगोले दिक्तेल बजारको रत्नपार्कस्थित अम्बिका बुढाथोकी र कृष्ण श्रेष्ठको घर नष्ट भएको छ । आगो नियन्त्रण गर्ने क्रममा अन्य तीन घर भत्काइएको छ । आगो नियन्त्रणका लागि नवीन गुरुङ, रविध्वज राई र राजु श्रेष्ठको घर भत्काइएको छ ।

अम्बिका बुढाथोकीको पूजा कोठाबाट विहान करिव ३ बजेतिर सुरु भएको आग्लागी तीन घण्टापछि मात्र नियन्त्रणमा आएको थियो। आगो नियन्त्रणमा लिन प्रहरी, सशस्त्र, सेना तथा स्थानीय खटिएका थिए । आगलागीबाट भएको क्षति विवरण आइनसकेको प्रहरीले जनाएको छ ।

नगरपालिकाको दमकल नहुँदा आगो नियन्त्रणमा ढिलाई भएको थियो । दिक्तेल रुपाकोट नगरपालिकाको दमकल भने थन्किएरको छ ।

प्रकाशित: Dec 31, 2017| 18:23 आइतबार, पुस १६, २०७४