बोल्न नसक्ने बृद्दा बलात्कारको आरोपमा २ पक्राउ

धनगढी- ५७ वर्षीया बोल्न नसक्ने महिलालाई जबरजस्ती करणी गरेको अभियोगमा अछामको चौरपाटी गाउँपालिका ६ दुनीमा दुर्इ जना पक्राउ परेका छन । 

महिलालाई जबरजस्ती करणी गरेको अभियोगमा स्थानीय फुंगे आउजीको छोरा ३१ वर्षीय नाउटे आउजी र १९ वर्षीय बुद्धि आउजी पक्राउ परेका हुन । स्थानीय नाउटे आउजीले यहि कार्तिक १५ गते मादक पदार्थ सेवन गरी राति ११ बजे महिला सुतेको कोठामा गएर जबरजस्ती करणी गरेको भनी प्रहरीमा आएको जाहेरीका आधारमा उनलाई पक्राउ गरिएको जिल्ला प्रहरी कार्यालय अछामले जनाएको छ । 

कार्तिक १६ गते पीडितले प्रहरीमा दिएको जाहेरीका आधारमा नाउटे आउजीलाई पक्राउ गरी जबरजस्ति करणी सम्वन्धि मुद्धा दर्ता गरिएको थियो । नाउटे आउजीको बयान गराँउदा उक्त घट्नामा सोही ठाउँका स्थानीय डम्मरे आउजीका १९ वर्षीय छोरा बुद्धि आउजीको समेत संलग्नता रहेको खुल्न आएकाले बुद्धि आउजीलाई समेत पक्राउ गरि जबरजस्ती करणी अन्तगर्त मुद्दा चलाईसकिएको जिल्ला प्रहरी कार्यालय अछामका कार्यालय प्रमुख डिएसपी जनकबहादुर शाहीले जानकारी दिए ।