इटहरीको मध्य चोकमा आगलागी

इटहरीः इटहरीको मध्य बजार क्षेत्रमा रहेको एक घरमा आगलागी हुँद करोडौँ क्षति भएको प्रहरीले अनुमान गरेको छ । इटहरी बजारको उत्तरमा रहेको धरान लाइनस्थित सप्तकोशी डिजिटल फोटो स्टुडियोको माथील्लो तलाको सप्तकोशी इलोक्ट्रोनिक्सबाट आगलागी सुरु भएको हो । 

 रेखा पराजुलीको चारतले घरबाट सुरु भएको आगलागीले सँगै जोडिएको गणेश लुइटेलको घरमा पनि क्षति गरेको छ । तर, क्षतिको पुर्ण विवरण आउन भने बाँकि रहेको प्रहरीले बताएको छ । आगलागीको कारणपनि खुल्न सकेको छैन । विद्युतिय सर्ट वा अन्य कारणले आगलागी भएको हुनसक्ने प्रहरीले प्रारम्भिक अनुमान गरेको छ । 

   दिउँसो एक बजेबाट आगलागी सुरु भएको थियो । आलगाली बाट महँगा इलोक्ट्रोनिक्सका सानाहरु, गोदाम र अन्य बहुमुल्य सामानहरु जलेल तष्ट भएको इटहरी प्रहरी प्रमुख डिएसपी शिवकुमार श्रेष्ठले बताए । 

आगलागी नियन्त्रण गर्नलाइ इटहरीसँगै, धरान, इनरुवा देखी दमक सम्मका वारुणयन्त्रहरु आएका थिए । इटहरीस्थिति नेपाली सेनाको पूर्वी पृतना मुख्यालय तथा शशस्त्र प्रहरीको इटहरीमै रहेको प्रदेश १ को मुख्यालयबाट आएको जनशक्तिले आगलागी नियन्त्रणमा लगातार दुइ घन्टा बढि खटेका थिए । स्थनिय स्वयंसेवकहरु समेत खटेर आगलागीबाट थप क्षति हुन नपाएको प्रहरीले बताएको छ । 

आगलागीसँगै धरानबाट इटहरी हुँदै झापा, विराटनगर र पश्चिम नेपाल जाने सवारीहरु रोकिएका थिए । ट्राफिक प्रहरीले भित्रि बाटोबाट सवारीहरु डाइभर्ट गराएर सवारी आवागमन सूचारु गरेको थियो । आगलागी पुर्ण निमिट्यान्न नहुन्जेललाइ विद्युत प्रशारण पनि इटहरी क्षेत्रमा बन्द गरिएको छ ।