पीपीएलको उपाधि पोखरालाई, चितवन ३ विकेटले हार्‍यो

पोखरा- पोखरामा सम्पन्न पोखरा प्रिमियर लिग (पीपीएल) टी-२० क्रिकेटको उपाधि घरेलु टोली पोखरा पल्टनले उचालेको छ । शरद भेषवाकरको पोखराले फाइनल खेलमा पारस खड्काको चितवन राइनोजलाई ३ विकेटले पराजित गर्दै उपाधि उचालेको हो । उपाधिसँगै पोखरा राइनाेजले २७ लाख तथा उपविजेता बनेको चितवनले १० लाख रुपैयाँ प्राप्त गरेको छ ।

चितवननले दिएको १ सय ६१ रनको लक्ष्य पछ्याएको पोखराले १९.२ ओरभमा सात विकेट गुमाउदै उक्त लक्ष्य भेट्टाएको हो । पोखराका लागि भारतिय खेलाडी रबिन्द्र सिंहको अर्ध सतकिय पारिले पोखरालाई उपाधिका लागि सहज भएको थियो । 

चितवनका बलर सामु निकैनै आक्रमक देखिएका रबिन्द्रले ९० रन जोडे । उनले ५८ बल खेल्दै १३ चौका र तीन छक्का प्रहार गरे । त्यस्तै मोहमद नाभिदले २५, शरद भेषवाकरले २२ तथा आसिफ सेखले १२ रन जोडे । चितवनका लागि भुवन कार्कीले दुई विकेट लिँदा करन केसी, पारस खड्का र सन्नी पटेलले एक एक विकेट लिए ।

यसअघि कप्तान पारस खड्काको अर्धसतकको मद्दतले चितवनले १ सय ६० रन बनाएको थियो । टस हारेर ब्याटिङको निम्तो पाएको चितवनले निर्धारित २० ओभरमा मात्र तीन विकेट गुमाउदै १ सय ६० रन बनाएको थियो । 

चितवनका लागि पारसले ५१ रनको अर्धसतकिय पारी खेलेका थिए । उनले ३७ बल खेल्दै ९ चौका प्रहार गरेर ५१ रन जोडेका थिए । दोस्रो ओभरमा टिमको ९ रन हुदा हरिशंकर साहलाई गुमाएको चितवनका लागि पारसले अनिल साहसँग ७६ रनको साझेदारी गरेका थिए । 

उनी रसिद खानको ओभरमा रन आउट भएका थिए । त्यस्तै विदेशी खेलाडी सन्नी पटेलले ४३ नर जोडे । उनले २१ बल खेल्दै तीन चौका र चार छक्काको मद्दतमा ४३ रन जोडेका थिए । 

चितवनका अनिल कुमार साहले ३७ रन जोड्दा आरिफ सेखले १४ रन जाडे । पोखराका लागि मोहमद नाभिद र ललित राजवंशीले समान एक एक विकेट लिएका थिए ।