भक्तपुरमा ग्यास पड्किदा तीन जना घाइते

भक्तपुर- मध्यपुरथिमि नगरपालिका–७ धुञ्चेपाखामा आइतबार बिहान भएको आगलागीमा परि तीनजना घाइते भएका छन् । 

शुकदेव बडालको घरमा भएको आगलागीमा परि शुकदेवको श्रीमती ५० वर्षीया हरिमाया, उनका भाइ ४५ वर्षीय पदमनाथ र ३१ वर्षीया छोरी रुपा रहेका छन् । 

घाइतेको काठमाडौँको सिनामङ्गलस्थित काठमाडौँ मेडिकल कलेजमा उपचार भइरहेको महानगरीय प्रहरी वृत्त थिमिका प्रहरी नायब उपरीक्षक मिलन केसीले जानकारी दिए । बिहान ग्यास बाल्ने क्रममा आगलागी भएको बताइएको छ ।