दैनिक ३ जना नेपाली युवाको विदेशमा मृत्यु 

काठमाडौं- नेपालबाट मिठो सपना बोकेर परदेश गएकाहरु सबैले आफ्नो सपना पुरा गर्न सक्दैनन् । कामको शिलशिलामा अरुको देश पुगेका कतिपय आफ्नासंगै शरिर पनि काठको बाकसमा प्याक भएर आउने गरेका गरेका छन् । 

पछिल्लो तथ्याङ्क अनुसार त्रिभुवन अन्तराष्ट्रिय विमानस्थलमा दैनिक तीन जना नेपाली युवाको शव झर्ने गरेकाे छ । खाडी मुलुकबाट सबैभन्दा धेरै शव आउने गरेको तथ्याङ्कले देखाउछ । श्रम विभागको तथ्याङ्क अनुसार नेपालीको मृत्युदर सबैभन्दा बढि मलेसियामा रहेको छ । 

चालु आर्थिक वर्षको ३ महिनामा मात्र विदेशमा २ सय १६ नेपाली युवाको मत्यु भएको छ । मृत्तकका परिवारलाई सरकारले १५ करोड १२ लाख रुपैयाँ आर्थिक सहायता वितरण गरेको छ ।

आर्थिक सहायता लिने मृत्तकको परिवारको संख्या हेर्दा विदेशमा मृत्यु हुने नेपालीको संख्या बढ्दै गइरहेको छ । रोजगारीको क्रममा विदेशमा हुने मृत्युलाई न्युनीकरण गर्ने कार्यक्रम प्रभावकारी हुन नसक्दा क्षतीपुर्ति सहायता रकम बर्सेनि बढ्दै गइरहेको हो ।

सरकारबाट आर्थिक सहायता लिने परिवारको संख्या हेर्दा ३ महिनामा मासीक औषत ७२ युवाको रोजगारीकै क्रममा मृत्यु हुने गरेको डरलाग्दो तथ्याङ छ ।