धनगढी २ विकेटले विजय, पोखरा पराजित 

पोखरा- पोखरामा जारी सर्वाधिक पुरस्कार राशीको पोखरा प्रिमियर लिग (पीपीएल) टी-२० क्रिकेट अन्तर्गत घरेलु टोली पोखरा पल्टनलाई पराजित गर्दै एक्स्पर्ट धनगढी ब्लुजले प्रतियोगितामा तेस्रो जित निकालेको छ । 

टस जितेर पहिले ब्याटिङ गरेको पोखराले दिएको १ सय ४५ रनको लक्ष्य पछ्याएको धनगढीले एक बल बाँकी हुदै ८ विकेटको क्ष्यातीमा उक्त लक्ष्य भेट्टाएको हो । 

धनगढीका लागि पेटर ट्रेगोले अर्धसतकिय पारी खेले । उनले ३४ बलमा पाँच चौका र चार छक्का प्रहार गर्दै ५३ रन जोडेका थिए । त्यस्तै कप्तान दिपेन्द्र सिंह ऐरीले ४९ रन जोडे । 

उनले २६ बल खेल्दै चार चौका र चार छक्काको मद्दतमा ४९ रन जोडेका हुन् । सुभेन्दु पाण्डेले २२ रन जोड्न बाहेक अन्य ब्याट्सम्यानले दोहोरो अंक छुन सकेनन् ।

पेखराका लागि रसिद खानले सर्वाधिक चार विकेट लिए पनि टोलीलाई जित दिलाउन सकेनन् । त्यस्तै ललित राजवंशी र बिक्रम भुसालले समान दुई दुई विकेट लिए ।

यसअघी पोखराले निर्धारित २० ओभरमा विकेट गुमाउदै १ सय ४४ रन जोडेको थियो । पोखराका लागि रोहित कुमार पौड्यालले ३१ रन जोडे । उनले २१ बल खेल्दै चार चौका र एक छक्का प्रहार गर्दै ३१ रन जोडे ।

रविन्द्र सिंहले २८ रन जोडे । उनले २६ बलमा दुई चौका र दुई छक्का प्रहार गर्दै २८ रन जोडेका हुन् । त्यस्तै आसिफ सेखले २३, कप्तान शरदले १४, मोहमद नाभिदले ११ रन जोड्न बाहेक अन्ये ब्याट्सम्यान धानगढी ब्लुजका बलर अगाडी खुलेर खेल्दन सकेनन् ।

धनगढीका लागि कमलसिंह ऐरीले चार विकेट लिए । पेटर ट्रेगो, डान लावरेन्स र रोबिन श्रेत्रीले समान एक एक विकेट लिए । यस जितसँगै धनगढीले प्ले अफमा पग्ने सम्भावना जिवित राखेको छ । धनगढीले ५ खेल खेल्दै ६ अंक जोडे छ ।