सिके राउतलाई थप १५ दिन थुन्‍न अदालतको आदेश

काठमाडौं- जिल्ला अदालत रौतहटले स्वतन्त्र मधेश आन्दोलका संयोजक सिके राउतलाई थप १५ दिन थुनामा राख्न आदेश दिएको छ। 

उनलाई राज्यविरुद्धको संगठित अपराधमा थप १५ दिन थुनामा राखी अनुसन्धान गर्न अदालतले आदेश दिएको छ। राउतसहित स्वतन्त्र मदेश माग गर्दै आन्दोलनरत पाँच जनालाई जिल्ला प्रहरी कार्यलय रौतहटले असोज २५ गते नियन्त्रणमा लिएको थियो। 

पक्राउ पर्नेमा सिके राउत, रौटहट संयोजक अशोक सिंह , विरेन्द्र दास, दिनेशलाल यादव जयप्रकास कुमार शाह छन्। जिल्ला न्यायाधीश प्रकास श्रेष्ठको इजलासले  थप अनुसन्धानका लागि १५ दिनको म्याद थप्न आदेश दिएको हो। 

राउत उनीविरुद्ध परेका तारेख लिन आउने क्रममा कार्यकर्ता सहित पक्राउ परेका थिए। राज्य विद्रोह वा संगठित अपराधमा संलग्नमाथी प्रहरीले बढीमा ६० दिन हिरासतमा लिई अनुसन्धान गर्न सक्छ।