श्याम सामसोहाङको पुस्तक 'मुन्दुम ट्रेल' सार्वजनिक

श्याम सामसोहाङको संस्मरणात्मक कृति ‘मन्दुम ट्रेल’ सार्वजनिक भएको छ।

मुन्दुम पदमार्गको अवधारणा, नामकरण, सामूहिक प्रयत्न, पदमार्ग निर्माणसँग गाँसिएका सङ्घर्ष र किराँत मुन्दुमी मिथकहरुको जानकारीसहित प्रकाशित कृति शनिबार पर्यटनमन्त्री सुदन किराँती, लेखक राजन मुकारुङलगायतले राजधानीको मण्डला नाटकघरमा लोकार्पण गरे।

कार्यक्रममा मन्त्री किराँतीले सपना, सोच र सिर्जनाले मान्छेलाई जोड्ने बताए। उनले भने, ‘सपना, सोच र सिर्जनाले जोड्छ मान्छेलाई। भोलि मानिसले त्यस्तो ठाउँ खोज्नेछन्, जहाँ गाडी भेटिन्न, जहाँ मोबाइलको नेटवर्क टिप्दैन। र त्यस्तो संस्कृति मैत्री, गाउँ सहर जेड्ने भुगोल मुन्दुम पदमार्ग हुनेछ।’

लेखक राजन मुकारुङले पुस्तक पठनीय रहेको बताए।

गायक, संगीतकार, पर्यटन अभियन्ता एवं व्यवसायी श्यामको यो पहिलो पुस्तक हो। कलम प्रकाशनले प्रकाशन गरेको पुस्तकको मूल्य ४७५ रुपैयाँ छ।