पीपीएल : चितवनको पहिलो जित, धनगढी १२६ रनले पराजित 

पोखरा- पोखरामा जारी सवार्धिक पुरस्कार राशीको पोखरा प्रिमियर लिग (पीपीएल) टी-२० क्रिकेट अन्तर्गत पारस खड्काको कप्तानीमा रहेको चितवन राइनोजले प्रतियोगितामा आफ्नो पहिलो जित निकालेको छ । चितवनले दिपेन्द्र सिंह ऐरीको कप्तानीमा रहेको धनगढी ब्लुजलाई रनले पराजित गर्दै प्रतियोगितामा आफ्नो पहिलो जित निकालेको हो । 

टस हारेर ब्याटिङको निम्तो पाएको चितवनले दिएको १ सय ९४ रनको लक्ष्य पछ्याएको धनगढीले निर्धारित २० ओभरमा सबै विकेट गुमाउदै ६७ रन मात्र बनाउन सक्यो । 

धनगढीका लागि पेटर ट्रेगोले २७ र योगेन्द्र सिंह कार्कीले १७ रन जोड्न बाहेक अन्य ब्याट्सम्यानले दोहोरो अंक छुन सकेनन् । यस हारसँगै धनगढीले प्रतियोगितामा तीन खेल खेल्दा दुईमा हार र एकमा सिजत निकालेको छ ।

धनगढीलाई सस्तैका समेट्न सन्नी पटेलले चार विकेट लिए । त्यस्तै भुवन कार्की र स्मिथ पटेलले दुई विकेट लिदाँ करन केसी र शक्ती गौचनले एक एक विकेट लिए ।

यसअघी चितवनले निर्धारित २० ओभरमा ५ विकेट गुमाउँदै १ सय ९३ रन बनाएको थियो । चितवनका लागि हरिशंकर साहले अर्ध सतकिय पारी खेले । उनले ३३ बल खेल्दै ६ चौका र ती छक्काको मद्दतमा ५३ रन जोडे । 

त्यस्तै अनिल साहले ३७, सुन्नी पटेलले २६, स्मिथ पटेलले २४, कप्तान पारस खड्काले १९ र करन केसीले ११ रन जोडे । धनगढीका लागि कप्ताचन दिपेन्द्र सिंह ऐरी, मन्जित श्रेष्ठ, योगेन्द्र सिंह कार्की र डान लावरेन्सले समान एक एक विकेट लिए । 

प्रतियोगिताको दोस्रो खेल केही बेरमा विराटनगर टाइटन्स र बुटवल ब्लास्टरबीत प्रतिस्पर्धा हुनेछ ।